ATKV-Crescendo 2016 wil jou hoor

  • 2

Hemelbesem

Die ATKV soek jou lied, jou song, jou eie werk.

Oudisies word gehou. Kom stal jou talent uit! ATKV Crescendo het reeds talle bekende Suid-Afrikaanse sangers se loopbaan ’n hupstoot gegee. Jy kan volgende wees.

Luister wat sê Hemelbesem: "Dié week is dit weer #‎ATKV #‎Crescendo-tyd ... ons is heelweek in Mitchell's Plain ... as jy dink jy het 'n kwaai, duidelike, gevaaaaalike, sopnat ... AFRIKAANSE song daar ... maak nie saak of dit gospel, rap, reggae, kwaito, house, R&B of wat ook al is nie ... kom Vrydag tot by Cedar High ... en doenit voor myself, @Yoma #‎MynieGrove en Herman Kleinhans en wie weet ... miskien is jy waarna ons soek ..."

Yoma

Hemelbesem en Yoma was op 2 en 3 Maart 2016 besig met bewusmaking in Mitchellsplein.

Hier is Morné van Staden, projekorganiseerder, se uitnodiging: "Enige aspirant liedjieskrywer-sanger kan inskryf vir een van die twee afdelings, skryf en sang, of slegs skryf, en ons verwelkom groepe en enige genre."

Hier is Gerrie Lemmer, hoofbestuurder: ATKV-projekte, aan die woord: "Ons wil liedjies hoor van verskillende Afrikaanse dialekte en in soveel genres moontlik."

Hemelbesem

So, gooi! Gospel, country, kabaret, bring wat jy het!

Hier is ’n lys met waar die oudisies plaasvind. Kom loer in, dis gratis.

@Mitchellsplein: 4 Maart

Waar? Cedar Sekondêr, hoek van Weltevreden- en Spineweg, Rocklands, Mitchellsplein. Registrasie vanaf 08:30. Oudisies vind plaas vanaf 09:00 tot 16:00. Die beoordelaars is Hemelbesem, Danie du Toit (Spoegwolf) en Mynie Grove. Finaliste sal genooi word na ’n werkswinkel op Saterdag 5 Maart.

Oudisies & Open Mic @Plataan Kafee, US Woordfees: 10 Maart

Registrasie begin om 20:00, oudisies begin in 20:30. Die beoordelaars is Hemelbesem, Danie du Toit (Spoegwolf) en Mynie Grove. Hierdie finaliste sal genooi word na die werkswinkel op 12 Maart.

@Idasvallei: 11 Maart

Waar? St Idas Primêr, Lückhoffstraat 5, Idasvallei van 09:00 tot 16:00. Die beoordelaars is Hemelbesem, Herman Kleinhans (TWEE) en Olga Leonard. Finaliste sal genooi na ’n werkswinkel wat op Saterdag 12 Maart aangebied sal word.

@Atlantis: 8 April

Waar? Atlantis Sekondêr, Palmer weg, Avondale, Atlantis. Registrasie begin 08:30. Oudisies vind plaas vanaf 09:00 tot 16:00. Die beoordelaars is Pedro Kruger, Anna Davel en Katalis. Finaliste sal genooi sal word na die werkswinkel van Saterdag 9 April.

Kaapstad @Suidoosterfees: 29 April

Waar? Lokaal 551 in Artscape.  Registraseie 08:30, oudisies van 09:00 tot 16:00. Die beoordelaars is Hemelbesem, Pedro Kruger en Melissa van der Spuy. Finaliste sal genooi sal word na die werkswinkel van Saterdag 30 April.

Hier is Yoma se video:

Hier is Hemelbesem se video:

  • 2

Kommentaar

  • Magda van der Walt

    Hoor nou eers van kompetisie. Mag ek nog inskryf? Ek is van Gauteng, maar kan my liedjie pos ook ,ek het dit reeds op 'n cd.

  • Ek verstaan dat daar deur die jaar ook oudisies is wat jou dan moontlik sal kwalifiseer vir 2017. Kan jul die datums groot asb beskikbaar maak?

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top