The Story of Emily in Cornwall – ’n erfenisbesienswaardigheid en kulturele bestemming van nasionale belang – is deel van die Babylonstoren- en The Newt-groep. Die Algemene Bestuurder sal verantwoordelik wees vir oorkoepelende leierskap, prestasie, volhoubaarheid en die openbare beeld van die besigheid.
Hierdie is ’n senior leierskapsrol wat die volgende omvat: kommersiële bestuur, erfenisrentmeesterskap, uitnemendheid ten opsigte van gasvryheid en gemeenskapsverteenwoordiging.
Doel van die rol
Om leiding te neem en The Story of Emily as ’n volhoubare erfenis- en gasvryheidsbesigheid van hoogstaande gehalte daar te stel, terwyl die kulturele missie, finansiële prestasie en langtermyngroei deur middel van sterk strategie, gedissiplineerde uitvoering en uitstekende menseleierskap bewerkstellig word.
Vereistes en Verantwoordelikhede
- Moet oor ’n toepaslike B-graad beskik.
1. Strategie, Beplanning & Lewering
- Neem leiding in die skepping en lewering van die perseel se strategie by wyse van die jaarlikse besigheidsbeplanning en begrotingsproses.
- Verwoord langtermyndoelstellings as duidelike bedryfsplanne, kapitaalprogramme en inisiatiewe vir groei.
- Sien toe dat alle departemente in ooreenstemming is met die ooreengekome besigheidsplan en prestasiemikpunte.
2. Finansiële Leierskap & Goeie Korporatiewe Bestuur
- Volle eienaarskap van die perseel se wins-en-verlies-staat, waaronder inkomste, kostebeheer, marge en beleggingsbesluite.
- Sien toe dat besluite binne die raamwerk van goeie finansiële bestuur, risikobestuur en aanspreeklikheid geneem word.
- Toesig oor prysbepaling, personeelvoorsieningsmodelle en kapitaalbelegging om langtermynvolhoubaarheid te maksimeer.
3. Werksaamhede & Gaste-ervaring
- Oorkoepelende leierskap oor alle werksaamhede op die perseel, met inbegrip van:
- Besoekerervaring (Rectory, War Rooms, uitstallings, gasheerskap)
- Restaurant, kleinhandel en funksies
- Gronde, tuine en voorkoms van die landgoed
- Tegniese en uitstallingstelsels
- Verseker ’n konsekwent hoë standaard ten opsigte van veiligheid, betroubaarheid, storievertelling en gasvryheid.
4. Eiendom & Verantwoordelikhede van Grondeienaar
- Tree as grondeienaar op vir alle eiendomme op die perseel, met inbegrip van personeelverblyf en huureiendomme.
- Verseker dat daar ten volle voldoen word aan wette en regulasies ten opsigte van:
- Gesondheid & veiligheid
- Gas, elektrisiteit en brandveiligheid
- Verpligtinge rakende verhurings en huurders
- Eiendomsinstandhouding en risikobestuur
5. Menseleierskap, Kultuur & Konflikoplossing
- Lei en ontwikkel die volledige bestuurs- en eerstevlakspan.
- Hanteer geskiloplossing, konflikbestuur en prestasiebestuur ten einde ’n gesonde, respekvolle en produktiewe werkskultuur te handhaaf.
- Bou ’n leierskapspan met hoë onderlinge vertroue wat in staat is om daaglikse werksaamhede vlot te laat verloop sowel as langtermyngroei te bewerkstellig.
6. Verslagdoening aan Belanghebbendes en Aandeelhouers
- Neem eienaarskap van die formele verslagdoeningsproses aan senior belanghebbendes en aandeelhouers.
- Doen duidelik, akkuraat en betyds verslag oor:
- Finansiële prestasie
- Bedryfsgesondheid
- Risiko’s en probleme
- Strategiese vordering
7. Eksterne Verteenwoordiging & Profiel
- Verteenwoordig The Story of Emily by:
- Plaaslike, nasionale en internasionale konferensies
- Funksies en toekenningsgeleenthede
- Gemeenskaps- en erfenisforums
- Lewer voorleggings aan belangegroepe, die media en vennote vir promosie- en opvoedkundige doeleindes.
- Tree op as die openbare gesig van die besienswaardigheid by:
- Plaaslike regering
- Gemeenskapsorganisasies
- Toerismeliggame
- Toekennings en erfenisinstansies
8. Vennootskappe & Reputasie
- Bou en bestuur verhoudings met:
- Plaaslike rade en toerismeorganisasies
- Gemeenskapsgroepe
- Kulturele en erfenisliggame
- Verskaffers, borge en vennote
- Beskerm en verbeter die reputasie, geloofwaardigheid en nasionale profiel van The Story of Emily.
Vergoeding
- ’n Mededingende jaarlikse pakket.
- Internasionale reisgeleenthede.
- Skakels na meer besonderhede: https://thenewtinsomerset.com/ & https://babylonstoren.com/