Onderhoud: Art-(de)code-(re)phrase | Kuns-(de)kodeer-(her)fraseer

  • 1

Stellenbosch Wynfees vind plaas op 30 Januarie tot 1 Februarie 2015. D-Street Gallery bied 'n spesiale kuns-, wyn- en musiekgeleentheid aan op 30 Januarie 2015.

Ronny Donaldson, eienaar van dié kunsgalery, gesels met Naomi Meyer. Onderaan die onderhoud verskyn ook afdrukke van vier werke wat by die uitstalling te sien is.

Ronny, is hierdie kunsuitstalling dieselfde een wat reeds by D-Street Gallery aan die gang is?

Sommige van die werke stem ooreen met die huidige uitstalling: Art-(de)code-(re)phrase | Kuns-(de)kodeer-(her)fraseer. Hier is nog inligting.

Dié uitstalling is egter 'n verlenging en uitbreiding van die uitstalling wat reeds hier te sien is. Daar is baie nuwe werke!

Wie se werke word uitgestal?

Die volgende kunstenaars is betrokke:

Strïjdom van der Merwe, Clare Menck, Marié Stander, Vuli Nyoni, Elizabeth Gunter, Karlien de Villiers, Peter van Straten, Dot Vermeulen, Sharlé Matthews, Marinda Combrinck, Shany van den Berg, Judy Woodborne, Anton Smit, Ydi Coetsee en Elizabeth Miller-Vermeulen (kurator).

Wanneer vind die geleentheid plaas?

Die uitstalling is deel van die jaarlikse Stellenbosch Wynfees en vind plaas op Vrydagaand 30 Januarie 2015 om 18:30 by D-Street Gallery in Dorpstraat, Stellenbosch.

Dombeya-wyne word deur Haskell Vineyards geborg en agtergrondmusiek sal verskaf word deur musiekstudent Annerie Senekal (viool), Lé-Niqué Brand (tuba), Michael Wiener (tjello) en Jenna O'Neill (viool). Alle kuns-, musiek- en wynliefhebbers is welkom.

Sharle Matthews se Tankwa Karoo (what remains)

Peter van Straten se Mindblowing nude

Marinda Combrinck se Glamour girl

Shany van den Berg se The naturalists library

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top