Litnet

Barianvds  — My poging om die PanSTARRS te sien was nie baie suksesvol nie. Ek dink die Noordelike Halfrond was hierdie keer bietjie voorgetrek.

Jupiter is ook in die animasie in Taurus te sien alhoewel ek hom nie spesifiek geïdentifiseer het nie. Dié is gewoonlik op sy beste sigbaar wanneer dit saans in die ooste, d.w.s. in opposisie met die son, sigbaar is. Die bewegings van die vier Galileaanse mane is altyd opwindend omdat hulle aansienlik vinniger as ons eie maan wentel. Ek het al baie ure aanmekaar gesit om hulle dop te hou. Venus se fases sal veral teen die einde van die jaar en vroeg aanstaande jaar ook weereens vir ’n skouspel sorg.

Ek het vir my 'n ruimtespieël gebou waarop ek my verkyker gemonteer het en dit werk wonderlik omdat dit al die stres uit die nek en die bewe van die verkyker haal en ek kan dit baie sterk aanbeveel. Dit keer nou wel die beelde onderstebo maar wie gee nou daarvoor om want uit die Noordelike Halfrond is die konstellasies en die maan in elkgeval vir ons onderstebo en andersom.

Dit moet ’n spesiale soort spieël wees wat aan die voorkant blink gemaak is. In Engels word dit ’n ‘front surface mirror” genoem. Ek weet ongelukkig nie wat die Afrikaanse woord daarvoor is nie. Ek wou 'n foto van die ruimtespieël plaas maar kan dit nie onder kommentaar doen nie.

Voorspoed en geniet die sterre.

Panda

Jan Rap,

Dankie, vir jou kommentaar en vrae. Brianvds het dit so mooi verduidelik dat ek eintlik niks hoef en kan byvoeg  nie en soos hy uitgewys het, is ’n volmaan saans in die weste heeltemal onmoontlik.  Gaan werk dit gerus vir jouself uit. Wanneer die maan saans in die weste is, sal dit altyd ’n sekelmaan in een of ander stadium wees. Let ook op dat by ’n sekelmaan die gedeelte van die maan wat nie deur die son verlig word nie — die nag gedeelte dus — altyd effens verlig is, vir dieselfde rede as wat ’n volmaan die aarde se donker kant in die nag verlig en namate die maan groei neem die verskynsel wat ons aardskyn (“earth shine”)  neem af sodat wanner die maan die fase van eerste kwartier bereik, daar geen teken meer is van die aardskyn op die maan is nie.

Die animasie wys die aandhemel in die weste soos om 20:00 daagliks vanaf 1 April tot 31 Desember 2013. Die meter in die linkerkantse hoek bo van die animasie, dui die verloop van die jaar aan. Die rede waarom die konstellasies na die weste toe sak, is die gevolg van die aarde wat om die son wentel en die rede waarom Venus bv. in die weste bo die horison uitstyg terwyl die konstellasies sak, is die gevolg van Venus se omwenteling om die son. In die stadium net voor dit tussen die aarde en die son deur beweeg sal dit vinniger as die konstellasies begin sak en kort daarna het jy die Môrester in die oggend in die ooste. Met ’n verkyker sal jy die fases van Venus waarna Brianvds verwys, voor en na die oorgang  van Aand- na Môrester, duidelik kan waarneem. En as jy presies weet waar om te kyk sal jy vir Venus in daardie stadium in die helder daglig kan sien.

Groete

Panda