Dit was ‘n baie moeilike besluit maar ons het ten einde besluit om die wenverhaal van ons fiksie-kompetisie Estelle Nagel se “Koffie met Castro” te maak.
Dit is aan die één kant ‘n werklike reisverhaal wat vertel van ‘n besoek aan Havana in Cuba maar ook ‘n reisverhaal wat dieper onder die oppervlakte beweeg en met die verlede, hede en toekoms van Cuba omgaan.
Die Hotel Ambos Mundos, waar Ernest Hemingway saans Mojitos gedrink het, kom ter sprake, die betekenis van die inhuldiging van John Lennon se standbeeld word gesuggereer, Fidel Castro as geskiedkundige figuur tree na vore en die vriendelike Johnny Castro wat spoedig die verteller se persoonlike gids word, lei haar onder die oppervlakte van toeristiese Havana. Deur sy oë word die stad aan haar openbaar. Wat my die meeste beïndruk het van Estelle se verhaal, was iets eenvoudig: sy wys dat dit nie die plek sélf is wat ‘n stad of dorp ‘n ervaring maak nie, maar spesifieke individue en mense. Sonder Johnny Castro het die stad vir die verteller sy bekoring verloor. En ook dat mens jou oorsig (toeriste) posisie moet laat vaar om werklik oor ‘n stad te skryf. Om oor Havana te skryf moet mens die vliegtuig verlaat.
Baie geluk aan Estelle Nagel en ook aan al ons ander aspirant skrywers wat saam gedink en bespiegel het oor ruimtes en plekke en hoe mens daaroor kan skryf!
Die boeke wat Estelle Nagel wen:
 |
Biko: A Biography Xolela Mangcu Tafelberg |
 |
Bokveld Binnekort Charlie Human Random House Struik |
 |
Onthaal op Groot Skaal Callie Maritz, Marie-Louis Guy NB Uitgewers |
 |
Suid-Afrika – visuele feite Dawid van Lill NB Uitgewers |
 |
Deelstad - 'n Boek oor Berlyn Karel Schoeman Protea Boekhuis |
 |
Nuwe Stemme 5 L Marais; Heilna Du Plooy NB Uitgewers |