
Foto: Canva.com
Wat gaan van ons word?
’n Uitgeteerde straathond
met borste vol melk
sluip skugter straat-af,
te bang om te proe
aan die bietjie kos.
En ek wonder:
Wat gaan van haar word?
’n Brandmaer Bedelaar
in verslete klere
bewe op die hoek,
met ’n stuk karton
wat smeek vir
kos,
geld,
IETS ...
Ek wonder:
Wat gaan van hom word?
Kollegas,
vriende,
familie,
sterf skokkend onverwags
en dié wat agterbly
breek onder die gewig
van hul verdriet.
En ek wonder:
Wat gaan van hulle word?
Die wêreld sidder en beef
in opstand teen één vrees,
terwyl golf op golf
COVID-19
sy donker tol eis.
En ek wonder:
Wat gaan van ons word?
Kommentaar
Wonder-lik