Vrouedag-skryfkompetisie: ’n Vrou wat ek onthou

  • 0

12 jaar is al verby
Dit gaan so vinnig, niemand kan stry.
12 jaar se leemte in my hart,
Omvou met goeie herinneringe en ’n klein bietjie smart.

Van etiket het sy my geleer,
Hoe om te sit en wanneer om beenhare te skeer.
Skoolvakansies was ons aan die bak,
Dadelbolletjies en oats-koekies vars op die rak.

Saam met die manne, uit op die boot,
Geen uitdaging was vir haar te groot.
Stormwaters was sy nie voor bang,
En met ’n groen baadjie, het sy trots visse gevang.

Ek weet nog steeds nie hoekom sy moes ly,
Maar so word die pad vir ons almal voorberei.
’n Vrou wat ek vir altyd sal onthou
En wie se lesse altyd aan my sal klou.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top