Vrouedag-skryfkompetisie: Dierbare vrou

  • 0

onversierd in jou eenvoud
met jou wintervoete
plakkies
en bont-langbroeke

nes ek jou onthou

grasieus jou gesindheid
lieflik geaard

jou knopknieë
doelgerig deurgebid
met kinnerlike hoop
en geknakte nek versoeking

natuurlik, vrou
jou suiwerheid oortref dié van goud en silwer
jou edelsteen-hart
glansryk

diep-rooiwyn lippe
met oopmond geluk
wittand tevredenheid
weergalm jou skaterlag

jy is hart
jy is huis
dierbare vrou
vrou wat ek onthou

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top