Vrouedag-skryfkompetisie: Die veggees

  • 1

– Huldeblyk aan ons liewe moeder
03 Desember 1932 tot 08 Julie 2019

Sy veg teen ’n vyand
wat nie sal skroom
om haar van
alle statigheid te roof nie

sy dra nie
geloof en hoop op haar mou nie
maar diep in haar hart
en haar smeekgebed is:
Heer laat ek wen
ek wil my gesonde arms
om my seuntjie wend

sy glimlag
terwyl sy die wêreld steeds
– te midde van haar pyn –
die versekering bied
God is goed;
Hy dra my dag vir dag
en verleen aan my die nodige krag

in haar oë
lees ek verskeie stories
van moegworddae
en lang aande sonder rus
maar ek lees ook
dat die vyand 
hierdie vuur nie gaan blus nie

ek ken haar nie
maar ek ken haar naam
en wanneer ek neersak
en my trane die Vader se voete was
dan bid ek: Heer
haar lewe strek voor haar uit
genees haar Vader
van U sal sy getuig

sy is ’n heldin
sy dra ’n mantel
van verwagting en liefde
dat die son môre weer sal skyn
en sy sal leef sonder pyn

 

  • 1

Kommentaar

  • Loretta Szikra
    Loretta Szikra

    Ai Pat, hoe lees ek nou my eie liefste mamma in jou gedig raak. Ons sal hulle ewig mis. 'n Baie mooi huldeblyk aan jou Moeder.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top