Voëlvry
Foto: Canva
Ek het die kettings
van jou mag
skakel vir skakel
afgeruk en
vêr
vêrder
v ê r w e g
uit die fratsgolwe
van jou stormgemoed
gevlug
tot waar die westerson
agter die kimlyn lag
en vrede triomfeer –
waar ek
v o ë l v r y
van flenterliefde is
en onthef is
van jou gesag.
Kommentaar
Wow, wat 'n besonderse gedig! Baie geluk, Loretta.
Ek is baie beïndruk met jou gedigte. Jy het hope talent.
Baie dankie vir die saamlees en mooi kommentaar, Anze en Tinie. Ek waardeer dit opreg.