Vlerk

  • 8

Fotobron: Canva

Vlerk

As ek vlerke gehad het,
sulke Engele-vlerke ─
nie ’n vlindervlerk,
of ’n vlerk van Daedalus
wat soos was in die son kon smelt,
of selfs ’n ystervlerk kopergoud
uitgestrek vir die wildste wind ─
sou ek vra vir ’n veerlighart
en oë wat kan sien
vir daai derwaarts vlug,
sweef en pyl en sweef
met die spoed van lug
sou ek ’n tontel wees
vir elke ster vêr ─
die duister in.

  • 8

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top