Foto: Canva
Verlore kind
Ek sukkel met die skuld
op my skouers, my rug
Jy stel my gerus:
“Dis nie nodig, my kind.”
Dit raas in my ore soos die
blou waaier in die sitkamer
as dit somer is
Ek wou jou nie agterlos nie
Ek sweer
As ek gebly het, sou ek
vergaan
verweer
verinneweer?
(en ander sinonieme)
Net soos die stukkende windpomp
in die agterplaas.
Ek hoop julle verstaan
Die water hier proe anders
Ek is jammer
Ek sukkel nog met die skuld
op my skouers, my rug
Kommentaar
Daai waaier werk nog... windpomp nog stukkend, maar ek belowe die water op die plaas is nog net so lekker. Mooi geskryf, Cherise, pappa verstaan konteks... Dalk meer as ander.