Foto: Canva
Van voordat ek kan onthou
van voordat ek kan onthou
voordat ek my verstand gekry het
het jy my geken
het jy my lief
toe ek nie kon praat nie
was jy my stem
toe ek huil
het jy my vertroos
my beveilig
my beskerm
my beskut
teen die wêreld se seer draai
in jou veilige arms
my versorg
met jou lag
my hoop laat brand
met jou blymoedigheid
jou geloof
jou voorbeeld
waar sal ek –
selfs noudat ek self kan praat –
die woorde vind
die regte woorde
om behoorlik dankie te sê?