Foto: Pixabay.com
“daar is geen voortuitgang of agteruitgang gewoon gang”
tussen die interval van x en y
lê ’n greepsel tyd ingeboggel
geïsoleerd
vir dié disseksie
word tyd getemper
vergrype aan die vasgryp van tyd
gaan as ’n gegewe altoos mis
met die eerste teug
begin die uurglas uitbloei
ongestoord inloop
polsslag vir polsslag
tiek tak tiek tak tiek tiek tiek
matematies korrek
overgesetsynde tyd
stu gulsig voort
en ontbreek
aan eenvoud
tyd fnuik ons
tyd swem in woordstrome
tyd is ’n krummel wat ’n brood geword het
tyd se vet wangetjies hou glimlagte teë
tyd is ’n gesplyte granaat wie se ingewande vloerlangs lê
tyd is gevange in kontrapuntale tentakels
uitgeloog tussen gisters en môres
dit alles terwyl die hede
in der waarheid
dié poppe laat dans
en dit was aand en dit was môre
en dit was aand en dit was môre
loeb doef loeb doef ...
Kommentaar
Baie beïndruk met jou skryfstyl, Marius. Jy is uiters waaghaalsig met die vorming van nuwe woorde – beslis ’n bate. Ek dink jy kan trots wees op die eerste prys – verdienstelik.