Fotobron: Canva
Naak gebore
nou lê die gedig daar
vroeg en vinnig gebore ─
gaan hy leef?
neem jou tyd met kommentaar
sou geen behandeling
die gedig kon red
swyg dan maar
Grendeldenke
wat bly oor
om nog te sê
in hierdie isolasietyd
deur protes of met verwyt
in bloed en sweet
die stryd te voer
op die ewige hoop
herrys uit as en roet
vry van sweet en bloed
’n nuwe aarde
vrygekoop
Kommentaar
Mal oor naak geboorte!
Baie dankie Morné.
Ek kyk uit vir jou gedigte.
Pragtig Margaret!
Baie dankie Theresa, jy as digter ondersteun en lees altyd saam. Ons waardeer jou!
Jou toorkuns met jou pen lê daarin dat elke leser jou werk kan interpreteer volgens hy/sy lewensfase en omstandighede op die punt wat hy/sy jou gedigte lees.
Baie dankie Hennie, hierdie is ’n groot kompliment vir die gedig omdat die leser dan mede-woordkunstenaar word. Groot waardering.
So talentvol en geseënd om te toor met woorde.