Tussen stof
VERS:
Plaas my drome in ‘n boks,
onder ‘n pêl se bed en daar vergaar dit stof.
Daar gaan lê my drome
tussen stof, tyd en buite bereik van ore.
KOOR:
Soos die stemme van ‘n kinderkoor,
weergalm sinne, melodieë en woorde oor en oor.
VERS:
Nou staan ek voor ‘n kinderkoor,
hul lewens kort. Van tyd beroof.
Soos my drome in ‘n boks,
gaan lê hulle tussen stof ... hul en hul drome,
so wees dankbaar vir joune.
