tromsirkel by die ewening

  • 0


tromsirkel by die ewening

eiervrug en jong bamboes
reënboogforelle in die bergstroom

hoor jou hande rym
met mekaar
op hierdie djembe
van hout en vel

(’n boom moes val en ’n bok moes bloei)
seën hulle

seën die land met koringmaas en groen vye
met mandaryn en vuurlelies by die waterval
spreek boegoe en blouvlinders uit oor die valleie
seën die gemsbok en die glasogie seën hulle
met henna aan jou hande                        

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top