Thomas Mann

  • 1

Foto van Thomas Mann: Wikipedia

 Thomas Mann
vir Heleen Louw

geseën met ’n sterk hand
die dag
’n gechoreografeerde persverklaring
Katia aan jou sy
altyd ’n kind of twee-drie byderhand

agter die lessenaar
in jou studeerkamer
die vergestalting van ’n eeu met ’n vulpen

dandy dasknoop
vanuit die geslote boordjie
’n vormdrag van wit katoen
mansjetknope   wolstof   handgebreide swart leer

in tintelende lig
voor die hand liggend
die nooitgeplukte vrug

tussen slape
die bloedsomloop herontdek
Harveyiaans in ’n dagboek aangeteken

in die fynste besonderheid
bottend in jou oë
die afgryse van ’n ewige lente

  • 1

Kommentaar

  • Jacobus ek geniet jou “fynste besonderheid” in jou byna perfeksionistiese beskrywing. ’n Volluitgeleefde lewe van die skrywer en tog die hartseer van die nooitgeplukte vrug. Besonderse sterk beelde wat jy gebruik, soos bottend in jou oë. Lieflik.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top