Stem

  • 15

Foto: Canva.com

Stem
Verskillende mense; verskillende ervarings
Verskillende uitkyke; verskillende bepalings
Verskillende stemme.

My stem. Jou stem. Ons stem. Die stem

Die sag stem, die lag-stem
Die harde stem, die verwarde stem

Die warm stem, die arm stem
Die kalm stem, die weergalm-stem

Die bedrukte stem, die ongeskikte stem
Die verskrikte stem, die mislukte stem

Die bombastiese stem, die sarkastiese stem
Die vuil stem, die huil-stem

Die bang stem, die slang-stem
Die nors stem, die hanswors-stem

Die ek-stem, die gek-stem
Die stry-stem, die vry-stem

Die stem; jy het ’n stem
Stemme; ons almal het verskillende stemme

Die skel stem is die hel-stem
Die liefdevolle stem is die tel-stem

Ons aanvaar-mekaar-stem
Ons staan-saam-stem

  • 15

Kommentaar

  • Avatar
    Louise Van Rooyen

    Ek stem saam Jana! Dis regtig goed hoe jy die emosie uitwys wat bloot in stemtoon vasgevang is, en ook die effek wat dit in ons alledaagse verhoudings het. Sien uit om nog van jou gedigte te lees!

  • Avatar
    Anina Potgieter

    Pragtige ritme, progressie en woordkeuses in Stem. Jana, dis lekker om jou stem te hoor.

  • Dit laat mens dink...
    Die stem het 'n groot impak...
    Watter stem is jy...
    Watter stem wil jy graag wees...
    En nie wees nie...
    Baie oorspronklik, Jana
    Jy is 'n fyn waarnemer!

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top