"Snellervinger" deur Francois van As

  • 0

Snellervinger

Die dimples op jou wange lê diep in skaduwee
Jou kop hang soos 'n kwinkslag gedemp in donderweer
Jou oë dra tyd se sand, jou arms dra iemand
wie te soet was om die bitter aand te keer

Ons moet ons gewere met vars leeubekkies laai
en al ons danse klaar dans voor die duiwel tiekiedraai
Verf jou goue hart, verf dit filterkoffie swart
en probeer om elke wagwoord reg te raai

REFREIN:
Waarsku al die dapper kinders
die nag bekruip met snellervinger
Slaap nou soet, bly eerder binne vanaand
niemand kan jou daarso hinder
Versper jou vensters vir die winter
stel jou wekker vir Desembermaand

Die wêreld van vandag word weer Gondwanaland
Ons ken die donkerte soos net kelderkinders kan
Lui die laaste klok met jou blinde sambok
en steek ons testamente aan die brand

Teken in op LitNet se gratis weeklikse nuusbrief. | Sign up for LitNet's free weekly newsletter.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top