Foto: Canva
Skuldgevoel
op die slagvelde
van lewe en dood
sukkel die helde
wat nou vry rondloop
die oorlog is verby
die nagmerries begin
die kwaad broei uit
as verwyt kom kuier
in nagte van sleg slaap
God vergewe ons
tog
is die slagoffers vermink
verneuk of verniel
God se vergifnis
help nie hier nie
hulle verstaan nie
hulle kan nie
dit is hulle verniel
wat torring aan jou siel
terwyl tyd weghardloop
met jou vrede en vrees
om jou onseker te los
in die donker
van skuldgevoel