Foto: Canva
Skuil in stilbly
Soms skuil ons
in stilbly
omdat stilte heilig is
waar geen ego kan instap
om vrede te steel nie
waar jy en God alleen is
saam is
om in stille gesprekke
jou siel te genees
van die stemme
wat oordeel
van onvergifnis
want dit is dinge
wat verbygaan
op winde wat heers
om hulle weg te waai
as dankbaarheid lig strooi
oor jou gedagtes
wat maklik struikel
oor hulle
die klipgooiers
die kwaadstokers
enige mens
wat nie stilte verstaan nie
wat nie daar kan gaan nie
want hulle trots heers
in wat lag
as ons sag omdraai
om in stilte in te loop
want slegs die dwaas
in sy eie geraas
dink hy weet
terwyl hy niks weet nie.