Skool vir die hof

  • 0

Foto: Canva.com

Skool vir die hof

skool wou jy nie gaan 
so slim en tog so dwaas 
gevang deur die bling van ’n dwelmbaas

geld het jy vir hom gemaak 
met sy kinders wat skoolgaan 
maar nou wil hy nie by jou staan

betrap met sy dwelms en geld 
loop jy nou hof 
en jou ma wat daar sit met onbetaalde verlof

jy het gesê skool is nie vir jou 
en vir die onnies was jy ’n kopseer 
maar, dis ’n moederhart wat nou treur

wat van jou gaan word 
is almal se kommer 
want liewe kind, jy sabela alreeds die nommer

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top