Skilpad se lot

  • 0

Foto: Canva

Skilpad se lot

Ek is ’n seeskilpad
My boot op my rug
Onderstebo

En ek sink nie
Ek swem net

Dis my dop
My lot

My sonskyn het ’n anker aan
Die horison bly bo
Al klim ek die golwe

Ek is sterk
Geskape vir storms
En onder bly bo

Ek trek my kop in

Die see het nie trane nie
Nie huise nie
Nie hande nie

Net branders 
Ritmies teen my hart

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top