Skerp
Foto: Canva
op vae gesigte skerp ’n glimlag
heug die dowwe flentergedagte
van toe ek nóg alles
nóg vir jou helder was
deur rooikaree ruis die wind aan flarde
rafelende eggo van ’n fluisterstem
ek is lief vir jou
jou hand vol woorde stil gestrooi
die geur van somerreën dreun sterker
verbloem my verlange met die drup
trane oor my blos
gesluk in hemelwater
poele rimpel my beeld skimmig
herhaal my oor die grond
op elke kaatsing effe vaag
skerp ’n glimlag