Fotobron: Canva
Sandkiaat kandelaar
(Geïnspireer deur Ingrid Jonker se "Bitterbessie dagbreek")
Helderlig-druppeltjieblou
jou stilte om my vingers gevou
skiet my uit jou sonsopkoms,
bittersoet-vryevoet
donkeroë-donkerkind
droom-droom in die wildste wind
sandkiaat kandelaar
op soek na ’n hart se snaar
katjievoet-katjiepiering groet
in ons is ons ’n koffiepotson
kom ek hou die vlam
vir die aansitsigaret, vir die opofferings in jou bed
helderlig-druppeltjieblou
donkerdroom-donkernag
soek my hier, soek my daar
bittersoet-bitterstil soos ’n sandkiaat kandelaar
Kommentaar
Mooi Morné, baie goed!