Litnet

Dagsê Jaco

Ek gebruik maar dieselfde merkers as wat jy gebruik het in jou kommentaar.

Par 1: Jy kan nie praat van die ‘Afrikaner’ SAP-party nie want dit was hoofsaaklik ’n Engelse party. Daar was wel Afrikaners wat SAP gestem het (hoofsaaklik vanweë hulle agting vir Jan Smuts). Jan Smuts was in elk geval so ’n groot anglofiel ek sal verbaas wees as hy enige Afrikaanssprekende nasate het. Jan Smuts was ’n lojale Engelse onderdaan en die SAP-party kan allermins beskou word as ’n Afrikanerparty. Die stelling dat hulle SA vir die Afrikaner ingepalm het is loutere onsin; dit was ’n Engelse party.

Par 3 en 5: Of ek nou ‘wêreldberoemde Forbes’ se uitsprake betwyfel of nie is nie die kwessie nie. As hulle onder die teenswoordige rykstes in die NSA ’n paar Afrikaners lys, is dit geensins te sê dit gaan ekonomies beter met die Afrikaners nou as voorheen nie; die twee toestande is totaal disjunk. Dis so goed as om te sê dat, omdat Badou Jack die WBC-middelgewigkampioen is, is Sweedse mans beter bakleiers as die res van die wêreld se mans.

Die feit is dat, as die Jode as ’n aparte groep beskou word, is hulle die rykstes in SA, andersins is dit die Indiërs (terloops, die Indiërs was onderworpe aan dieselfde segregasiewette as die swartes maar het gevorder tot die rykste etniese groep in die land). Die hoeveelheid van Afrikaners wat sedert ’94 die land verlaat het, en die hoeveelheid Afrikaners in plakkerskampe en die hoeveelheid Afrikaners wat ophou boer het agv grondeise is ’n baie getrouer aanwyser van die ekonomiese stand van die Afrikaner in die NSA as vyf of ses Afrikaners op Forbes se lys. Nog ’n terloops, nog ’n ou wat beweer dit gaan nou ekonomies beter met die Afrikaner is Clem Sunter en dáár’s nou vir jou iemand wat die pot misgesit het, net so erg as Max en Piet (verskillende redes dalk; Max en Piet uit naïwiteit maar Clem dalk as meedoener aan die destabiliseringsagenda).

Par 6: Afriforum het ontstaan as gevolg van die toestand waarin die Afrikaner hom bevind sedert sogenaamde demokrasie. In die ou bedeling was iets soos Afriforum nie nodig nie en is hy dus ’n reaktiewe organisasie en ’n klinkklare bewys dat Clem en Piet en Max en Adriaan en jy absolute snert praat wanneer julle sê dat dit nou so goed gaan met die Afrikaner soos nog nooit tevore nie.

Praag het ook ontstaan agv die heksejag op Afrikaans en die Afrikaner maar hierdie ‘aksie’ teen ons is al aan die gang sedert 1902 maar, tot en met die stigting van Praag, was daar nog net niemand so pro-aktief soos Dan Roodt gewees nie.

Par 7: Jy kan maar weer gaan lees wat ek in my brief oor werkreservering gesê het want, wat jy daarop te sê gehad het in jou kommentaar, kom bloot neer op ‘issie’; jy gee maar weer net ’n persoonlike mening sonder enige stawing. Werkreservering is ’n verstektoestand en kom in enige land voor, Duitsers in Portugal kry moeiliker werk as Portugese byvoorbeeld. Ook, voor jy ’n visa vir enige land kry maak hulle doodseker jy gaan nie soontoe om te gaan werk nie.

Jy lees ook sonder begrip want nêrens het ek die Engelsman kwalik geneem vir die beleid in Openbare Werke nie; ek het dit bloot as voorbeeld genoem van hoe Engels die staatsdiens was om aan te toon hoe belaglik jou argument was dat die staatsdiens die Afrikaner ‘gepamperlang’ het.

Jy vra waar kry mens vierslaapkamerhuise en mense met 4x4’s so asof hierdie goed net onder Afrikaners voorkom. Die antwoord is oral (minder onder die Afrikaners nou met die Afrikanerdiaspora), Killarney, Houghton, Soweto, Marlboro, Sandhurst, Melrose, duisende plekke.

Jy sê ek moenie in ontkenning leef nie maar nêrens het ek persoonlike mening uitgespreek nie; ek het net feite genoem. Jy is die ou wat in ontkenning lewe en dink ook bietjie vir jouself man, moenie soos ’n skaap ouens soos Piet en Max napraat nie want hulle kan nie anders as om in ontkenning te leef nie weens hulle aandeel in die teenswoordige sirkus.

Jan Rap