Pos beskikbaar: Senior leksikograaf – Pharos Woordeboeke (Kaapstad)

  • 0

Pharos Woordeboeke, ’n druknaam van NB-Uitgewers, het tans ’n vakature vir ’n senior leksikograaf by hul kantoor in Kaapstad.

Slegs gesoute leksikograwe of kandidate wat oor ’n meestersgraad in leksikografie of linguistiek beskik, sal vir hierdie uitdagende posisie in aanmerking geneem word. Buitengewoon goeie taalvaardigheid en in sowel Afrikaans as Engels is nodig. Hierbenewens is die kapasiteit om probleme op ’n professionele en kreatiewe wyse op te los noodsaaklik, asook die vermoë om as deel van ’n span onder druk te werk en sperdatums te haal. Kandidate moet voorts oor rekenaargeletterdheid beskik.

Die suksesvolle kandidaat sal aan die Hoof: Pharos Woordeboeke verslag doen en verantwoordelik wees vir leksikografiese werk aan eentalig verklarende woordeboeke, tweetalige woordeboeke en ander taaltekste, algemene leksikografiese werk, korpusontleding en proefleeswerk en redigering.

In ruil bied die maatskappy ’n markverwante vergoedingspakket en lidmaatskap van die pensioen- en siekefonds.

Kandidate kan aansoek doen via die volgende skakel: https://media24.simplify.hr/Vacancy/Apply/sbqqyk

Aansoeke sluit op 8 Junie 2018.

Indien die uitgewery nie binne twee weke na die sluitingsdatum met ’n aansoeker in verbinding getree het nie, was hy/sy aansoek onsuksesvol. NB-Uitgewers is onder geen verpligting om hierdie vakature te vul nie.

Ingevolge NB-Uitgewers se diensbillikheidsbeleid sal voorkeur verleen word aan geskikte kandidate uit die aangewese groepe.

Aansoekers kan die webwerf www.nb.co.za besoek vir inligting oor NB-Uitgewers.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top