Pos beskikbaar: Leksikograaf – Pharos Woordeboeke (Kaapstad)

  • 0

Pharos Woordeboeke, ’n druknaam van NB-Uitgewers, het tans ’n vakature vir ’n junior leksikograaf  by hul kantoor in Kaapstad.

Die mees geskikte kandidaat vir hierdie uitdagende pos het kennis van leksikografie of beskik oor ’n driejaar-kwalifikasie in Afrikaans en Engels, met ’n sterk belangstelling in en aanvoeling vir die tegniese aspekte van woordeboekwerk.

Die suksesvolle kandidaat sal aan die Hoof: Pharos Woordeboeke verslag doen. Die pos behels grotendeels die ondersteuning van leksikograwe met hulle projekte (leksikografies en tegnies) wat algemene leksikografiese werk, korpusontleding en proefleeswerk insluit.

Kennis van webwerfbestuur, xml en datamanipulasie sal voordelig wees, hoewel die suksesvolle kandidaat ten volle opgelei sal word in al die tegniese aspekte.

Die geskikte kandidaat moet analities en sistematies te werk kan gaan, ʼn fyn oog vir detail hê, inisiatief aan die dag kan lê en onafhanklik kan werk.

In ruil bied die maatskappy ’n markverwante vergoedingspakket en lidmaatskap van die pensioen- en siekefonds.

Kandidate kan aansoek doen via die volgende skakel: https://nbpublishers.simplify.hr/vacancy/mwvr1s

Aansoeke sluit op 8 Junie 2018.

Indien die uitgewery nie binne twee weke na die sluitingdatum met ’n aansoeker in verbinding getree het nie, was hy/sy aansoek onsuksesvol. NB-Uitgewers is onder geen verpligting om hierdie vakature te vul nie.

Ingevolge NB-Uitgewers se diensbillikheidsbeleid sal voorkeur verleen word aan geskikte kandidate uit die aangewese groepe.

Aansoekers kan die webwerf www.nb.co.za besoek vir inligting oor NB-Uitgewers.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top