Foto: Canva.com
Pop
sy kom huil by my
sy het in ’n wynvat verval
sy sê dat sy so useless voel
die kos wat sy maak is nie na smaak nie
sy lyk nie na wense nie
sy het nie groot boobs om aan te suig nie
sy is koud en kil en ’n ysberg innie kooi
dis alles haar skuld
want sy het hom sovele kere betrap
waar hy swymelend in eie hand
kom en kom terwyl hy na siellose
pornografie staar
haar lyf kan nie doen wat die poppe doen
met hul leë, I don’t care anymore oë nie
haar lyf is reality, sonder dwelms
nou lê sy verslaan in die moer van die wynvat
Kommentaar
Hoe hartseer is hierdie verval "in die moer van die wynvat". Maar hoe gevoelvol, aandoenlik, ontroerend beeld jy dit uit, Amanda!
Ek stem saam met Louis - puik geskryf.
Baue dankie Litnet en Louis du Plessis.
Skitterend.
Spaarsamig soos 'n Toulouse-Lautrec skets word die seermaak van verslawing uitgebeeld: Pop met leë oë en lyf vol dwelms, hy verknog aan pornografie en sy verval in wynvat. Amanda, jy het die essensie van 'n plaag reguit en oortuigend geskets. Welgedaan!
Baie dankie almal.
Hartverskeurend, Amanda. Die prys van die morele verval word deur almal betaal.