"Philippolis": 'n gedig deur die veertienjarige Terry Botha

  • 5

Philippolis

Jou voete los diep spore in die grond
  met jou voete loop jy orals rond. 
Die stof sien jy van ver nader beweeg
deur die Karoodorp se paaie, dolleeg. 
Jy loop oor ’n klein wit brug met ’n dun stroompie wat onderdeur rol.
Dis amper winter maar steeds is daar bome in die hoofstraat, vol.

Die geblaf van ’n hond kan gehoor word soos jy deur die paaie van die Karoodorp wandel. 
Jy loop verby die skriba se kantoor en hoor hoe sy en die dominee onderhandel.
Oom Piet se sproeiers besproei sy groen tuin
met die sonlig wat daarop skyn.

Tannie Karin sit op haar stoep en lees die Huisgenoot
met ’n koppie vol kruietee op haar skoot.
Oubaas die hond is almal se gunsteling straatbrak
hy is daar doer in Kokstraat en grou in ’n sak.
Die kerkklok se geraas eggo deur die strate.

Dis een-uur en tyd vir middagete.
 Oom Gerhard is mos op ’n dieet van slegs neute.
Soos jy terugstap na jou huis
ruik jy tannie Wilma se soet-en-suur hoender en rys.
 By die huis gaan sit jy by die tafel, en wanneer jou brood bedien word
kan jy almal hoor stories
uitrafel ...

 

  • 5

Kommentaar

  • Barend van der Merwe
    Barend van der Merwe

    Maggies, ja nee, dit is 'n dorpie wat mens se hart steel. En ek het lekker gelees aan jou vers.

  • Well done Terry, dit was lekker om iets uit jou pen te lees. Jys n jong man met baie ambisie. Niks kry jou onder of hou jou terug nie. Elke dag is n uitdaging op sy eie en jy haal die positiewe van elkeen daaruit.
    Ek sien uit daarna om nog te siene te kry. Gaan groot jong man super trots op jou..

  • Avatar
    Alet Van Biljon

    Pragtig Terry ek self het nou lekker gelees deur jou gedig. My kind onthou altyd dat God groot is en Hy wil hê jy moet ook groot dink en droom... En jy doen. Jy gaan dit ver bring. Hou so aan. Baie liefde.

  • Avatar
    Maretha Maartens.

    Terry, Terry, die jong man vir wie ek tydens 'n vlug van Kaapstad af ontmoet het! Jy gaan baie ver in die letterkundige wêreld kom. Wat 'n prestasie om nou hier te begin publiseer. Doen so voort!

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top