ATKV-Muziq is die ATKV se jaarlikse bydrae tot instrumentale klassieke musiek in Suid-Afrika. Dit vind plaas in die vorm van ’n klassiekemusiek-kompetisie vir jong volwasse musici en het ’n totale prysgeld van R106 000.
Die tweede en finale rondes van ATKV-Muziq vind van 6 tot 8 September 2012 in die Endlersaal by die Konservatorium van die Universiteit Stellenbosch plaas. Die kompetisie skop af om 09:30 op Donderdag 6 September. Die finale ronde vind plaas op Saterdag 8 September vanaf 19:00.
Instrumentaliste vanaf 15 jaar tot en met 27 jaar kon vir ATKV-Muziq inskryf. Die eerste ronde het in Mei vanjaar plaasgevind. Kandidate kon in sewe kategorieë deelneem. Die volgende musici (in geen spesifieke volgorde nie) is gekies om aan die tweede ronde deel te neem:
|
Kategorie |
Deelnemer |
Instrument |
|
Orrel |
Devandré Boonzaaier |
|
|
|
Eljee du Plooy |
|
|
|
Hentus van Rooyen |
|
|
Koperblaas |
Dylan Barker |
Franse horing |
|
|
Sigrid Ceunen |
Franse horing |
|
|
Ryan Kierman |
Tromboon |
|
Ander instrumente |
Cherilee Adams |
Perkussie |
|
|
Carl Straussner |
Kitaar |
|
|
Dylan Tabisher |
Perkussie |
|
Klavier |
Jean-Pierre Calitz |
|
|
|
Peter Cartwright |
|
|
|
Megan Geoffrey-Prins |
|
|
|
Marnus Greyling |
|
|
|
Andrew Munro |
|
|
|
Nina Phillips |
|
|
|
James Redfern |
|
|
|
Richard Rheeder |
|
|
|
Roelof Temmingh |
|
|
Ensembles |
US Percussion Duo |
|
|
|
US String Quartet |
|
|
Strykers |
Nicole D’Oliveira |
Viool |
|
|
Wilmien Janse van Rensburg |
Viool |
|
|
Carin Jansen van Vuuren |
Viool |
|
|
Lieva Starker |
Viool |
|
|
Anna van der Merwe |
Viool |
|
|
Samantha van Gysen |
Viool |
|
Houtblaas |
Rebecca Brouckaert |
Klarinet |
|
|
Liam Burden |
Saksofoon |
|
|
Charl Clayton |
Hobo |
|
|
Engelien Coetzer |
Saksofoon |
|
|
Armandt Horton |
Altsaksofoon |
|
|
Tatiana Thaele |
Fluit |
|
|
Myles Roberts |
Fluit |
|
|
Jennifer Pott |
Fluit |
|
|
Louisa Theart |
Fluiit |
Totaal: 35
Oorspronklik was 37 kandidate gekies om deel te neem, maar ongelukkig moes twee kandidate weens persoonlike redes onttrek.
Die beoordelaarspaneel staan onder leiding van Arisa Voges, UNISA se direkteur van die Direktoraat Musiek. Die res van die paneel bestaan uit Catherine Foxcroft (Rhodes Universiteit), Liezl-Maret Jacobs (Universiteit van KwaZulu-Natal), Louis van der Watt (Universiteit Stellenbosch) en Brandon Phillips (hooffagotspeler van die Kaapse Filharmoniese Orkes).
Om sitplekke te bespreek vir die finale ronde, wat op Saterdag 8 September om 19:00 plaasvind, skakel asseblief die projekorganiseerder, Ilse Schürmann, by 082 851 7157. Toegang is gratis, maar voorafbespreking vir spesifiek die finale ronde is noodsaaklik.
Tydens die finale ronde sal die algehele wenner prysgeld ter waarde van R40 000 ontvang. Verder is daar sewe kategoriepryse ter waarde van R8 000 elk, wat ook toegeken sal word. ’n Aantal spesiale pryse sal ook toegeken word.
Tydens die finale ronde tree die sopraan Caroline Modiba as gaskunstenaar op. Caroline het onlangs die tweede plek in ATKV-Muziqanto, die ATKV se volwaardige klassiekesang-kompetisie, verower.
Die nasionale Afrikaanse radiostasie, RSG, is vanjaar die mediavennoot van hierdie kompetisie.