Persverklaring: Winterskool, met skryfkompetisie vir opkomende skrywers

  • 4

Die ATKV-Skryfskool van die Noordwes-Universiteit bied op drie opeenvolgende Saterdae in Junie 2021 (5, 12 en 19 Junie) ’n aanlyn-Winterskool vir opkomende skrywers aan.

Bekende skrywers en toonaangewende uitgewers van Afrikaanse fiksie en personeel van die ATKV-Skryfskool tree as sprekers, werkswinkelaanbieders en groepsessieleiers op. Die skryf van verhale en gedigte staan in 2020 in die kollig. Die werkswinkels in die twee skryfgenres word gelei deur Francois Smith (die skryfproses), Ingrid Winterbach (verhaalkuns) en Bernard Odendaal (digkuns) – ervare woordkunstenaars, met Smith en Winterbach wat ook bekroon is vir hulle skryfwerk.

Hierdie aanlyn-geleentheid bied ’n praktiese slypskool vir enigiemand wat verhale of gedigte wil skryf. Dit word aanlyn aangebied en die inskrywingsgeld beloop R1 000 per persoon.

Die ATKV-Skryfskool bied vanjaar ook weer ’n kompetisie vir skryfwerk in die genoemde genres aan. Die wenner in elk van die twee kategorieë (vir ’n kortverhaal of ’n gedig) sal die Winterskool gratis kan bywoon.

Kom put uit die ervaringskat van bekroondes by dié Winterskool – vir ’n wegspring op jou skrywerspad soos min!

Vir meer inligting oor die Winterskool sowel as die skryfkompetisie, skakel per e-pos met mev. Kobie van Aswegen ([email protected]). Sluitingsdatum vir ontvangs van kompetisie-inskrywings: 26 April 2021.

  • 4

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top