Litnet

Ink Skryf in Afrikaans (www.ink.org.za) bied hierdie jaar ’n digkompetisie aan waarvan die beste gedigte in ’n bloemlesing, INKSPRAAK I, gepubliseer word. Daarna word beoog om elke jaar verdere bloemlesings te publiseer. Die INKSPRAAK-bloemlesing word te koop aangebied. Die hoofdoel van hierdie kompetisie is die bevordering van gehaltepoësie in Afrikaans. Besoek die webwerf om meer van INK te lees: www.ink.org.za.

Amanda de Meillon berig oor die toekenningsgeleentheid.

Sopnat gala-aand ’n reusesukses

Pretoria is nat! Donker wolke bol saam op die horison en dreig kort-kort grommend om emmers leeg te maak oor die Jakarandastad. Gelukkig kan ons dubbelkajuit die glibberige grondpad hanteer. Suri het so waar as wragtig weer haar stoute skoene aangetrek en ’n ompad na die lokaal toe beduie. Sy giggel stuitig “Your destination is on the right” terwyl die bordjie duidelik wysvinger na links. Ons volg maar liewer die bordjie. Die string motors wat agterna tou, bewys ons reg.

“Waar is die kleedkamers?”

’n Koor stemme klink benoud op vanaf die parkeerarea. Vroue knyp hulle rokke in hul hande vas terwyl ander modder van hul kuite vee. 

“Hel, ek is bly dis nie beesmis nie.”

Die groep verdwyn in die rigting van die onthaallokaal. ’n Sprokiestuin ontvou. Helder groen blare. Fonteine. Wegsteekvoetpaadjies. Rose en rankplante. Die saal self ’n lushof. Kristalkandelare skep ’n romantiese atmosfeer in die dofverligte saal. Oral staan mense en gesels. Elkeen ’n glasie verwelkomingsjerrie in die hand. Die atmosfeer is gelaai met opwinding.

Charles Thompson verwelkom die gaste en open met ’n toespraak oor Ink. 

Anzé Bezuidenhout behartig die bedankings. Francois Meyer lewer ’n kort toespraak en Lee, oftewel Feetjievrou, vermaak die gaste met uitmuntende sang.

Susan Grobler was die hoofbeoordelaar vir die digkompetisie. Gedigte is anoniem deur haar en die INK-span beoordeel.

Toekennings en trofees 2020

Eretoekenning: Postuum toegeken

Meesterdigter – Carma Shaw
Caren Kearley ontvang die trofee namens haar familie.

Gedigte

Brons

3de plek: Genade – Paula Paxton
2de plek: Formidabele vrou – Driekie Grobler     
Wenner: Asem – Elmarie Nienaber van Kampen    

Silwer

3de ple: Laat lente-spook – Morne du Preez
2de plek: Rooiwyn – Andries Fourie
Wenner: Sannie Verwey – Amanda de Meillon

Goud

3de plek: Verskroeide land – Anzé Bezuidenhout
2de plek: Sprake van hoop – Carma Shaw
Wenner: Metamorfloos – Caren Kearley

Rubrieke

3de plek:  Liewer laat as nooit – Kiekies
2de plek:  Goue handboeie – Ano  
Wenner: Inperkingstyd – Marlene Erasmus

Artikels

3de plek: Egbreek se gevolge – Suzette Strydom (Palet)
2de plek: Die ontstaan van die limeriek – Marlene Erasmus
Wenner: Geraas in die agtergrond – Ano

Verhale

3de plek: Die groen sak – Helena Mellet
2de plek: Sigaar meisie – Ronel Janse van Vuuren
Wenner: Verdwyning van die SS Waratah – Riaan Palmer

Gorrel

3de plek: Wense vir môre – Elna Kruger
2de plek: Mev Dominee en die ekstra kollekte – Amanda de Meillon
Wenner: Lag is die beste medisyne – Marlene Erasmus

Aanmoedigingsertifikate

1. Zebulon Koch
2. Annamarie van der Merwe
3. Recayla Blom

Digter van die jaar

Caren Kearley

Skrywer van die jaar

Riaan Palmer

Digkompetisie

Afdelingwenners

1. Ballade – Francois Meyer, “Ontknoping van die ewigheid” 
2. Elegie – Francois Meyer, “As skoenlappers groet”
3. Fabel – Amanda De Meillon, “Nanonos in die Gwarriebos”
4. Haikoe – Drienie Kelly, “Bloedmaan”
5. Kwatryn – Carmen Edwards, “Pottebakker”
6. Rondeel – Caren Kearley, “Nagspoor”
7. Sonnet – Pieter Mostert, “Kalahariwoestyn” (Italiaanse sonnet)
8. Vryvorm en rym – Martie Bezuidenhout, “Vlindersterk liefde”

Naaswenner – Drienie Kelly, “Die stilte huil bloed” (Elegie)

Algehele wennner – Bonita van der Berg, “Die blaretapyt val” (Rondeel)

Op 1 Maart 2021 skop INK af met ’n splinternuwe digkompetisie wat 2020 s’n gaan oortref.

Luide applous val neer op die dak van die onthaalsaal. Die hemel vereer elke digter en skrywer met oorgawe.