Foto: Canva
Pa
Ek mis jou in die lente
wanneer dahlias die son jag
Ek mis jou in die somer
wanneer sonbesies in
persimmonboorde flankeer
Ek mis jou in die herfs
wanneer Diepkloof se
akkerbome bloei
Ek mis jou in die winter
wanneer ryp naakperskebome versluier
Maar wat ek die meeste mis Pa
is jou vroegoggend voetstappe
wat die gangplanke opwek
die stoomwolk bo jou koffiebeker
en die kalmte in jou stem
wat in eenvoudige woorde
my monsters verslaan het
Kommentaar
Ah Salomé, dit is pragtig. Wel gedaan.
Ons sien uit na nog van jou werk.
So descriptive that it teaches us a little bit of your "Pa". He really loved you.
Pragtig! Ek voel ek is daar... Desembermaand op Diepkloof.
Ek onthou, nader aan Kersfees het ons so teen skemeraand in die pad afgeloop en uit volle bors die aand heilig gemaak met ons Kersliedjies. Ons het selfs die voëltjies in die bloekombos se gekwetter stil gesing.
Stunning! Dis netso! Dis ons PA.
Baie dankie, vriendin.
Baie dankie.
Jou woorde is 'n pragtige beskrywing van 'n waardige man. Met heimwee skilder jy sy stilheid, sy liefde vir sy familie en die natuur. Skitterend!