“om die wonder van die dood te ervaar
haar siel wat ontsluit uit haar groot en sterke liggaam”
allerstond gegote goud uit die mond
die musiek kies haar skalks
en niet andersom
skotvry van voeë en vae
temper sy hertz
stu sy voerlyne horisonloos
soos suiwer glas
ornaat soos donker rooi brokaat
met ʼn drif wat jou bloed in die mond laat proe
alles gedoog uit ʼn enkele stem
sing om te sing soos sy kon sing
is en was ʼn dubbele gebed
Kommentaar
Wunderschön, Marius & Jessye