Ode aan ons liefde
Jare gelede het ons
ons name
in twee harte oor mekaar
op ’n akkerboomstam
uitgekerf;
jy het plegtig belowe
jou liefde vir my
sal ’n mooi skildery
van ons lewe saam verf
en dat dit sou bly lewe,
selfs nadat jy sou sterf;
jy het jou aai-hande
soms teer,
soms gulsig
oor die kontoere
van my gewillige lyf
in ’n ontdekkingstog
laat vaar
en met jou oë
wat in myne staar
romantiese drome
in my jongmeisiehart
gebaar:
ons weë saam
sou deur
helder sterre gaan
en in die landskap
van ’n volsirkelmaan,
sou ons oorvloed
brood breek,
– oorstelp van liefde –
dit in mekaar
se wyn week.
Nou word
dié naskrif-gedig
in deurleefde inkverf
uitgekerf:
ons lewe was soms
skaars aan oorvloed,
ons had te dikwels
te min wyn
maar in my oë
het jy die lig
altyd laat skyn
en al is my hande nou
bruin bevlek,
blou beaard,
verkalk aan’t bewe,
bly fier vir jou
my liefde lewe;
ek sal my bietjie brood
weer met jou breek,
my laaste leksel wyn
deur jou lippe dring,
met my mond die oorvloed
van ons samesyn besing,
ek sal
die mooiste van my lewe
as ode
aan jou liefde bring.
Kommentaar
Baie mooi gedig Salvia
Ode aan ons liefde - ❤️🙏
Baie dankie. Ek waardeer !🙏
Baie dankie. Waardeer.🙏
Uitstekend, Salvia
Pragtig ... innig ... diep ... heimwee ... nostalgie.
Mooiste mooi, Salvia.
Baie dankie. Waardeer jou woorde.
Merle, ek waardeer jou! Baie dankie.
Esthereta innig dankbaar vir jou waarderende woorde.
Baie mooi en beskrywend Salvia
Baie dankie, Driekie.
Dis ń baie mooi gedig. Schoonspruit het jou baie goed geleer. Ek veronderstel dat Mr De Laura sou ook baie trots wees op jou.
Lank lewe "Raka".
Baie dankie, Jeremy! Ek waardeer jou woorde.