Nuwe lewe
Jy was nog altyd net daar
in my midde hierdie ongelooflike jaar
Ek het lank geswyg
omdat ek bang was vir die pyn
Maar sonder dit alles
was ek niks sonder jou
Tyd het die vermoeë om perspektief te bring
Vir die vrae wat in my kop rondspring
REFREIN:
Ek vang myself net sit en staar
Woordeloos het jy my hart ingevaar
Saam met jou was ek vry
Saam met jou het ek nuwe lewe gekry
Vir die eerste keer
in ’n baie lang tyd
het ek weer diep
in my hart gekyk
Jy vertel my van jou lewe in die Oranje staat
Ek lag soms saggies oor hoe julle daar praat
Dis wanneer jy lag dat ek jou wil soen
Asof die tyd stilstaan en ek dit weer en weer kan doen
REFREIN
Ek het jou lyn opgetel sonder om jou te sê
En my storie aan jou vertel, vir jou vertel wat ek wou hê
Eendag het jy vir my gefluit, want ons storie was toe uit
Jy het nuwe lewe gevind op die langpad, saam met die wind
Daar is geen boek in die wêreld wat vir ? mens kan voorskryf
hoe om jou hart weer vas te maak aan jou lyf
Ek vang myself net sit en staar
Woordeloos
Teken in op LitNet se gratis weeklikse nuusbrief. | Sign up for LitNet's free weekly newsletter.