Fotobron: Canva
Daar in die dorpie van Netreg
word niepsig deur niemand geluister nie;
bendes is oorgehaal om seermaakdade te pleeg
voel ’n veer om met die skuldgevoelens te leef
Soos Koning Leeu
met sy pistool volgelaai
duisende koelbloedig afgemaai
klein, kop vir kop
met dodelike koeëls volgeprop
en Eenloperolifant
wanneer hy sy hande saamslaan
sit hy in jongkinders se leepoë
nog ’n traan
smeer aarbeirooi om sy tabakbek
soos hy binne beklad en bevlek
As bendes op bene kom
in die dorpie van Netreg
spoel liggaampies in sakke weg
en die arme mense staan verstom.
Kommentaar
Sjoe, hierdie gedig is besonders. Hierdie digter is briljant, al sy gedigte op LitNet is briljant!
Welgedaan