Litnet

Dit was Jesus se woorde aan die fundamentaliste van sy tyd. Vandag se fundmentaliste is eenders. ‘n Beheptheid, soos die Fariseërs van ouds, met ander se “sondes”. Soos die Fariseërs aan Jesus gedoen het, kwoteer ons fundamentalistiese “Christene” so graag vanuit die “Heilige” skrifte om eintlik vir die mensdom te sê: “Kyk na ons voorbeeld, ons is die ’ware’ Christen (Fariseër!) ieder en almal anders is afvalliges, en van die duiwel.”

Ons self-aangestelde “apologeet” vir God en Christus hier op SêNet, het dit oor die jare heen dat die Bybel alleenlik die riglyne vir die ganse mensdom vorm in beide die natuur en sosiale wetenskappe. Wanneer die Bybel in sy eie strikke vasval, dan kom “Spirituele Intellegensie” tot sy redding, ‘n misterieuse konsep wat hy alleenlik oor begaafd is en verstaan. Dit help hom om tussen die Bybelse lyne te lees en te skryf wat selfs nie in die Bybel staan nie. As voorbeeld. Onlangs het ek tekse direk vanuit die Bybel opgesom wat bewys dat die Nuwe Testament se die vrou moet aan die man onderdanig, gehoorsaam en stil wees, geen gesag oor die man uit te oefen nie, asook stil in die kerk, met kop bedek, geen amp daar te beklee of onderrig te gee nie. Hy sê NEE. Dis nie so nie, en gee ‘n lang geredeneerde weergawe (Spirituele Intellegensie) welke redenasie ek nie in die Bybel te vinde kry nie. Hy sê verder ek gee ‘n wanpersepsie van wat in die Bybel staan, en wat anders kan ’n mens van ‘n homo en ateïs verwag. Die paar tekse wat hy wel aanhaal om die teendeel van sodanige tekse deur my aangegee tee te bewys, bewys net dat God wel met ‘n gesplete tong praat. Hier so en daar anders!

Indien die leser ‘n blik wil bekom oor hoe die lewe onder enige fundumentalistiese “Christelike” regering sal staan, kyk maar net na die lewens van gelowiges onder ‘n fundumentalistiese Islamietiese regering soos in Iran! Die Quran het meeste van sy idees tog van die Bybel bekom, veral hul Sharia-wetgewing van Deuterenomium en Levitikus in die Ou Testament amper netso oorgeneem! Afvalliges doodmaak (die Christelike brandstapels vir hervormers); hoere en egbreukers stenig; diewe se hande afsny; homo’s in die openbaar doodverwurg; wie nie Vrydae 5 keer bid met latte te slaan (in die Amerikaanse kolonies was Sondag oortreders ook gestraf) onlangs ‘n man se oë verwyder waar die per ongeluk iemand geblind het (oog vir oog en tand vir tand); ens. ‘n Skamele 400 jaar gelede het Christelike Europa in beide Katolieke en Protestante lande nie veel anders opgetree nie.

Die vryhede wat ons vandag geniet en as vanselfsprekend aanvaar is geensins aan die Bybel te danke nie. Elke vryheid bekom het die kerke aanvanklik hand en tand beveg, totdat met die oorwig van publieke en gemeentelede se menings, die saak uiteindelik gewonne gegee het, nieteenstaande die feit dat hulle vandag in omtrent alle vryhede vandag geniet, met die Bybel teenstrydig optree.

Oor die jare hier op SêNet, het ek die godsdiensonderwerp vermy, maar met die onlangse “tref en trap” optrede en ongevraagde, en onnodige galbraak teenoor gays, het ek besluit ek slaat fundamentalistiese “Christene” met hulle eie munt, nl ook van die Bybel aanhaal om hulle moderne lewens teenstrydig met die Bybel, veral die Nuwe Testament, uit te wys, en veral waar sodanige optredes die doodstraf (soos met geboortebeperking in Onan se geval) ewe gruwels in God se oe is, als die van sodomie, uit te wys. Waar Jesus (as God aangesien word) gesê het egskeiding kan alleenlik geskied in gevalle van egbreuk deur die ander party, waar dit vandag vir selfs die nietigste gebeurtenis onder Christene plaasvind, wys ongehoorsaamheid aan God se direkte opdrag. Vroue wat in die Nuwe Testament aan die man minderwaardig moet optree, teenoor vandag se emansipasie daarvan, ens, ens.

Vir die ware Christene daarbuite, diegene wat Jesus se woorde ter harte neem om nie te oordeel nie, en daar is baie, bejeën ek as ateïs en homo met die grootste respek en liefde, en vra ek om verskoning aan hulle waar ek in hierdie proses om die fundamentaliste te bestry, hulle ook seergemaak het.

Jaco Fourie