Litnet

Foto: Unsplash.com

’n Skildery met woorde
Met woorde kan ons mooi skilderye maak
sonder om aan skilderdoek of verfkwas te raak.
Hierdie prentjie is een van ’n eensame plaas,
waar ’n windpomp in die veld langs ’n plaasdam raas.
’n Omheining is gespan tussen die veld en pad
waarin die skaaptrop al weiend ’n ruskansie vat.
Diep in die verte blou berge waarop wit wolke rus,
veldblomme in die voorgrond vir die oog ’n ware lus.
Boerdery word uit ’n rondawelhuis bedryf,
die huisie is met woorde in die prent ingeskryf.
Hierdie prentjie is met woorde gemaak
sonder om aan verfkwas of skilderdoek te raak.