My vriend se bok en skaap

  • 1

Dis altoos lekker om ’n vriend in die dorre Karoo te hê. As jy jag, kan jy loop Koedoes doodmaak (hulle vreet tog immers al die lusern op, reg?). As jy nie jag nie, sensitief is, kan jy lat hy vir jou een van sy skape keel afsny sodat jy kan roem op die tjoppie op die rooster. Effe vetterig en deksels smaaklik so ver van die slagting af. As jy vrinne is met ’n boer van die Karoo kan jy selfs ’n bakkievrag jakalsvelle verniet kry saam met jou opgesaagde lammertjie. 

So beduie ek my vriend innie Karoo dat ek velle soek. Klogoete kerm en kla want hulle soekie dooie diere innie huis nie en ek beduie my telg dat sy darem moet sorg dat die vuur hoog is want saam met J se velle kom daar darem ’n lam wat weliswaar in skywe opgesny is maar wat selfs die honne oor sal baklei. My vriend bring vir my ’n bakkievrag velle en ’n visbak vol lamvleis. Mooi opgesny sodat die broses nie nodig het om in die arme ding se gevreet te kyk nie. Die kop is heel want dis iets wat net iemand wat lewe respekteer kan geniet: skaapkop heel gebak in die oond. 

Ek sien tussen die velle is daar ’n snaakse vel wat ek herken maar wat nie innie Karoo hoort nie. Behoorlik ingesout en opgerol. Ek beduie hom dat daar moer baie jakkalse moes wees en hy beduie my hoe baie die jakkalse hom elke maand kos en ek vra hom waarom daar nie meer mensvelle is nie want daai soort jakkals steel sommer by die bakkievrag. 

"Moenie worry nie, ons meld daai jakkalse net nie aan nie. Bliksems besteel my kaal." Ek vra nie uit nie want ek ken my vriend as ’n roekelose rakker toe ons nog mense self kon straf sonder om die Boere in te roep. 

Hy beduie dat hy homself ’n roekelose ding op die hals gehaal het. Net nou die dag toe mense al wat ’n snaakse generiese variant vir miljoene gekoop het. Ek beduie hom dat daardie goue wildebees eintlik net ’n duur vel is en my vriend se gesig raak hartseer. 

"Die donnerse bok gekoop. Honderd duisend rand vir die ding betaal. Almal is mos nou in die ding in so toe koop ek maar. En weet jy wat? Toe ons die donnerse bok aflaai het hy nie eens ’n kilometer gehol nie toe pik ’n donnerse slang die ding. Duurste vel wat ek ooit gekoop het. Geniet die ding op jou vloer." 

Ek vra hom oor die skaap want ek onthou sy nuwe bruid het so met die eerste maand vir haarself ’n hanslam mak gemaak en met die hand en groot liefde tot in die huis grootgemaak. Mooi versorg en sy self het beduie hoe die lam selfs teen die deur skop as hy wil loop skyt. Soos ’n hond innie huis. Die ding moes net blaf dan't hy oppie kooi geslaap. 

"O, jy onthou van Krismis?" 

My vriend J het hom Krismis gedoop. 

"Hoe gaanit met Krismis?"

"Ek het jou mos gesê hoekom ek hom Krismis gedoop het. Hy was op die tafel met Krismis. Mammie was net kwaad vir so drie dae toe sy uitgeëet geraak het aan hoender en groente." 

oester

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top