Litnet

Foto: Unsplash.com

My eie krake

Ek val deur my eie krake 
van my onvermoë 
om te kan verstaan 
waaroor lewe en dood gaan

soos die pad van die son 
so is die pad van die maan 
ons kan dit nie verander nie 
sal ons ooit kan verstaan

môre is so ver soos die nag 
gister was maar net nog ’n dag 
om deur krake die lig te sien 
om onverdiend te lewe

tussen die krake van mistas 
oor alles wat eens was 
toe kinders gesoek het 
na antwoorde van vrae

oor die krake in mense 
oor krake in ons self 
oor die drake in die donker 
as kindertjies wil slaap.