Mortifikasie

  • 0

Foto: Canva.com

Mortifikasie 

die kind is toegedraai in ’n stuk materiaal 
sonder lewe en liefde verlaat 
geen wiegelied voor die swanesang 
net ’n naelstring as troos 
Bondel vullis

ek kan nie ophou kyk 
na die reep op reep lap 
lewende kleure en bont daarby 
eens deel van iets groter; 
nou geskeur net een doel dien 
Bondgenoot

vrolike bont lap 
dien as ’n roukleed 
hou vas die geheim 
uit my moordkuil 
hou heilig die las in lap 
Vabond

repe is my kombers 
en my lyf 
Bondelkoop 
is goedkoop koop uit vuil hande in ’n agterstraat 
wat hulp aanbied maar hel laat geskied 
only two pills and your problem goes away

ek kyk weg 
soek genade 
kyk weer terug 
sien net bloed 
en ’n klein bondeltjie in onvanpaste lap 
Verborge

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top