Met net chiffon aan my lyf
Met net chiffon om my lyf slaan hoendervleis uit
Met net chiffon aan my lyf is ek te kaal
Met net chiffon aan my lyf is daar te veel tussen ons
Met net chiffon aan my lyf, chiffon aan my lyf,
Is ek verdwaal.
Met net satyn om my lyf kan ons twee gaan speel
Met net satyn om my lyf sal ons wipplank ry
Met net satyn om my lyf word ek ’n klimraam,
Met net satyn om my lyf, satyn om my lyf,
Kan ons skoppelmaai.
Materiale, teksture, steek aan die vure
Van die passiespel tussen ons
Deur voue en nate
Deur some saam dartel
Langs pylnate kantel
Deur kartels na mekaar jaag.
Met net sy teen my lyf droom ons van Parys
Met net sy teen my lyf eet ons kaviaar
Met net sy teen my lyf bou ons die Ark de Triomf
Met net sy teen my lyf, sy teen my lyf
is ons daar.
Materiale, teksture, steek aan die vure
Van die passiespel tussen ons
Deur voue en nate
Deur some saam dartel
Langs pylnate kantel
Deur kartels na mekaar jaag.
Met niks teen my lyf, dra ek jou vel
Met niks teen my lyf, is jy my karos
Met niks teen my lyf, is ek omvou met liefde se geur
Met niks teen my lyf, niks teen my lyf
Is ons waar
 |
 |
 |