ISSN 1995-5928Ingesluit LitNet Akademies
Tuis > SêNet-briewe

Madiba is besig om ons te verlaat …

George Bekker 2013-06-27
  • 7
Shares0Pin0Print0LinkedIn0

Terwyl die hele wêreld angstig op nuus oor hom wag, doen die regering, soos gewoonlik, sy werk op tipiese ANC-manier en stel SA in 'n swak lig. Dis nie 'n skielike krisis wat onverwags op hulle afgestorm het nie – hulle weet al jare van die moontlikheid.

Wat moes gebeur het? Eerstens, senior personeel in bv die departement van internasionale betrekkinge maak 'n studie van hoe lande elders opgetree het waar 'n internasionale figuur ernstig siek lê. Dit sal hulle dan nie lank neem nie om te weet dat die belangrikste is om die publiek op die hoogte van sake te hou en hulle vertroue te wen en te behou (die storie van 'privaatheid' is nie goed genoeg nie).

Dit beteken daaglikse rapporte oor Mandela se toestand en indien daar skielike veranderings ontstaan spesiale verslae. Elke oggend vroeg vergader die nagspan en bespreek die saak, waarskynlik saam met personeel van internasionale betrekkinge en die president se kantoor. Op 'n sekere uur word dan 'n verklaring uitgereik. Dis werklik só eenvoudig.

Ons regering struggle met selfs die mees basiese probleme – gevolglik skram hulle weg van die woord en praat liewer van “uitdagings”. Grotere sake beteken noodwendig ernstige krisisse. 'n Mens dink aan die mynbedryf, arbeidskrisisse, grondkwessies, die ekonomie, werkloosheid, misdaad en talle ander dinge. Die gevolg is 'n rand wat skynbaar met 'n vryval besig is. Ons het alle rede om onrustig te wees oor dinge soos kospryse, onluste, ens. Die klein wolkie van hoop op die horison is Cyril Ramaphosa as toekomstige ANC-leier, die nuwe politieke party en die DP se harde werk. As die ANC nie weet hoe om op kritiek te reageer nie word beskuldigings van rassisme gemaak.

Ek is nie sommer net in 'n pessimistiese bui nie. Sake is só ernstig dat ek met 'n grappie moet afsluit. As ek by 'n goeie vriend se huis aankom is daar altyd 'n WIT boxer wat my by die hek inwag. Ons stap dan saam na die voordeur waar sy baas my ontvang. Ek sê nie vir hom: “Dit gaan goed met my, hoe gaan dit met jou nie”. Nee, ek sê vir hom: “Johan, jy is 'n blerrie rassis. Al die ander mense in ons dorp het bruin boxers. Dis net jy wat 'n witte het!”

George

Shares0Pin0Print0LinkedIn0
  • 7

Kommentaar

  • Johannes Comestor

    George, ek dink nie die ANC-regering het 'n nagspan nie. Almal slaap rustig sodat hulle die krag het om die werk van die volgende dag uitdagings te noem.

    Johannes Comestor

    Reply
  • George

    Johannes, ek is dit roerend eens met jou. Die ANC en sy ondersteuners in die staatsdiens en ander organisasies stop op die laaste om 4.00nm en het nog nooit van 'n nagspan gehoor nie. Die nagspan waarna ek verwys is die verpleegpersoneel en dokters. George

    Reply
  • Wouter

    Hello George, 

     
    Hiermee is ek ook eens, Madiba behoort aan almal, en is 'n persoon van uitsonderlike statuur en wil almal weet wat gaan aan en glo ek die publiek, hier en internasionaal het volkome die reg om te weet. Hierdie is een 'n leeftyd geval, 'n Ikoon wat sy stempel afgedruk het en almal hou asem op en is die emosionele reaksie wat President Mandela het op die meeste intens en werklik. 
     
    'n Kollega, 'n manlike swart persoon, was vandag werklik aangedaan, maar het gehou toe ek en hy die emosionele impak van President Mandela in die mense se harte bespreek het. 
     
    Ek dink nie altyd 'n wit persoon besef die bevryding wat President Mandela vir die swartes verpersoonlik en dalk die dankbaarheid waarmee daar werklik opgekyk word na hom nie. 
     
    Letterlik die vader van die demokratiese Suid-Afrika en die ikoon van die idealisme waarmee ons gebore is. 
     
    President Nelson Mandela is vir die geskiedenisboeke ...
     
    Baie dankie
     
    Wouter 
    Reply
  • Wouter

    Hello, 

     
    Na ek my vorige kommentaar hieroor geplaas het het ek aanbeweeg na die artikels van vandag uit die Washington Post en het hulle die gewoonte om die 'belangrikste artikels te lys' onder die mashoof en so is die naam Nelson Mandela daar. 
     
    Die artikel begin soos volg: 
     
    Prayers and love flow at Mandela’s home village
    By Sudarsan Raghavan, Thursday, June 27, 2:56 AM

    Qunu, South Africa — On a grassy hilltop overlooking this serene village, a grave has been prepared for Nelson Mandela. 

    But like many here, his sister-in-law Nothemba Mandela prays day and night for it to remain empty for as long as possible. 

    And every Thursday, she joins a women’s group at the Methodist church to sing and pray some more.

    “We are connecting with God so he can do everything in his power to heal Madiba,” she said, using his Xhosa clan name. 

    “He’s given so much to us.”

    Over the past four days  the prayers have grown louder as the beloved anti-apartheid icon and former president’s health has turned critically serious. South Africans across the nation are reflecting on Mandela’s legacy as if steeling themselves for his eventual death ...
    Reply
  • Enjee

    Die storie is besig om in 'n Madiba-sirkus te  ontaard. Die  media is besig om dit groter en belangriker voor te stel as wat dit is.  'n Mens  [seker een van duisende, net in ons land]   is besig om te sterf. Massa-histerie is hier aan die orde.

     
    Enjee
    Reply
  • Wouter

    Hello, 

     
    Hiermee Nelson Mandela se heel eerste TV onderhoud van 1961. Vandag raak gelees. 
     
    In May of 1961, a 42-year-old Mandela gave his first-ever interview to ITN reporter Brian Widlake as part of a longer ITN Roving Report program about Apartheid. At that point, the police are already hunting for Mandela, but Widlake pulls some strings and arranges to meet him in his hideout. When the reporter asks Mandela what Africans want, he promptly responds:
     
    “The Africans require, want the franchise, the basis of One Man One Vote – they want political independence.”
     
    But perhaps more interesting is the dialogue towards the end of the interview, where Mandela explores the complex relationship between peace and violence as protest and negotiation tactics. We’re left wondering whether his seemingly sudden shift from a completely peaceful campaign strategy up to that point towards considering violence as a possibility may be the product of South African police going after him with full force that week. Violence, it seems, does breed violence even in the best and noblest of us.
     
     
    Die ideaal is reeds duidelik in hierdie eerste onderhoud. Dit wat Nelson Mandela so kenmerkend maak. 
     
    Hierdie was 'n lewenstaak indien die onderhoud as verwysing gebruik word en die konsekwentheid gehandhaaf oor meer as vyftig jaar, verstommend. 
     
    Baie dankie
     
    Wouter
    Reply
  • Opperbraker

    George,

    Eers in gesprek met my dogter na 'n tydelike besoek uit Baghrain, moes ek agterkom watter geweldige ankerrol  hierdie oud Staatsman in die lewens van ons post-94-kinders - se lewens sou speel. Die geweldige verlange soms - was in 'n mate gevoed deur die wete dat hul hul koppe in enige geselskap hoog kon hou. Madiba immers 'n vergestalting van 'n vertroostende "surrogaat " vader ... staan onbetwisbaar eenmaal  vas. ( Haar woorde en my heimlike jaloesie!)

    Die pessimisme op die gesig van haar (en tydgenote) met die wete dat hierdie "assosiasie" aanstons 'n einde mag - en gaan bereik ... is onbeskryflik.

    Tereg sou sy opmerk dat 'n vakuum van Zummiteit haar geensins aanstaan nie. (Vir 'n pa wat  na sy kind in  diepe ontroering verlang ... inderdaad geen goeie nuus nie. 'n Onderliggende vrees dat dit op permanensie dui, eweneens  hart-ineenkrimpend so.)

    Met hierdie oopoog bewondering val dit dus hierdie skrywer op hoe van Nuus24 se forumgebruikers so 'n radikale ander siening oor hierdie man koester. Inteendeel, kommentare van "hang hom / stenig hom / kastreer hom "  is meer die norm as die reël. Lsg stem my meer tot droefheid as die wete dat ek oor minder as 'n week - weer  " ouerloos "die son moet help optel" ... in hierdie huidige en droewige blerrie land van ons. 

    Groetnis

    Danie

    Reply

    • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top