Liriek van Pringlebaai
Spore in die sand van die vroeë môre Pringlebaaise strand
Ragfyne lyne van t’rugtrekkende branders
soos op die palm van jou hand
Op Pringlebaai se strand in die vroeë oggenduur
leer jy om kwellings van die lewe te verduur
Van Trix se trein tot by Buffelsriviermond
op die strand van Pringlebaai in die vroeë môrestond
hoor jy die refrein van wind en see
Van krysende meeue swewend op die bries
en ? oestervangerpaar wat oor kleintjies hul verknies
Waar honde saam met kinders in die branderskuim baljaar
weerklink steeds die refrein van wind en see
Van krysende meeue wat swewe op die bries
Van ? oestervangerpaar paar wat kla oor hul verlies
van kleintjies meegesleur deur ? wilde somersee
Spore in die sand van die vroeë môre Pringlebaaise strand
Waar jy kwellings van gister vir vrede kan verpand
Weerklink steeds die refrein van wind en see
van krysende meeue swewend op die bries
Swewend, swewend, swewend op die bries
Teken in op LitNet se gratis weeklikse nuusbrief. | Sign up for LitNet's free weekly newsletter.