| Hierdie blad bevat erotiese literatuur en illustrasies. Indien jy jonger as 18 is, verlaat die blad asseblief onmiddellik. | The following page contains erotic literature. If you are under the age of 18, please exit this page immediately. |
Hoop
in hierdie sagtheid
tussen lig en donkerte
wil ek my aan jou
verewig,
en wanneer die berge
in skemerte skuif
sal ek opstaan
en na my huis gaan
en vir jou altyd bemin
in geloof, hoop
en liefde
in hierdie eindeloosheid
tussen dag en nag
sal ek jou gedagtes
inhou
en wanneer hartseer verwolk
sal ek trane reën
totdat ek kan opstaan
en na jou toe gaan
in hierdie gedeelde lewe
tussen jou en my
sal ek veilig voel,
en jou sterkte
en vryheid gee -
en vervuld lewe
in gevlegte wete
van almal om
my en jou,
en sal ek opstaan
na my lewe gaan
met geloof, hoop
en liefde.