Leksikografie vir ons lyke

  • 0
Dood is 'n aphrodisiac,
Het jy altyd sinies gelag
En ons is geneties programmeer
Om freneties te teel
As ons tussen die hark se tande bly staan
Maar wat kan ek nou vir jou sê?
Oorlewende, naasbestaande, weduwee in rou
Watse grimering kan ons aan hierdie monster smeer?
Bybel, Boeddha of bier?
Nietzsche of nihilisme?
Kom ek vertel jou ‘n grap onthou jy daardie keer
 
Nee
 
Geen  speserye kan hierdie smaak verbloem
Die geel galgemarmer skyn heeltyd deur
Ontydige heengaan.
Die frase wek weersin in my taalpurisme
Toutologies oordadig, sentimenteel oordrewe

Totdat jy self met 'n handvol gruis staan soek vir eufemisme

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top