Kleine onskuld
Daar sit sy nou, die liewe kleinding
haar ogies groot en blou
Een kyk na haar en jy glo net een ding
dis onmoontlik nie sy wat so vreeslik kan brou
Maar wil jy my glo as ek vir jou gaan wys
nie 'n enkele haar op die kat van die huis
Daar is 'n vreeslike geraas
en jy kan gaan kyk
Sy is nou die baas
van hierdie koninkryk
Sy trippel deur die huis
op soek na iets meer
Daar agter in die kombuis
begin die slagting al weer
Maar dit word verdra
met die grootste geduld
Hoe sy ons nou ook pla
sy bly maar nog ons kleine onskuld
Teken in op LitNet se gratis weeklikse nuusbrief. | Sign up for LitNet's free weekly newsletter.